www.katabiblon.com

יהושע‏

Josue

  Westminster Leningrad Codex Wiki Latin Translation‎ / Vulgata Clementina11וַיְהִי֩ כִשְׁמֹ֨עַ אֲדֹֽנִי ־ צֶ֜דֶק מֶ֣לֶךְ יְרוּשָׁלִַ֗ם כִּֽי ־ לָכַ֨ד יְהוֹשֻׁ֣עַ אֶת ־ הָעַי֮ וַיַּחֲרִימָהּ֒ כַּאֲשֶׁ֨ר עָשָׂ֤ה לִֽירִיחוֹ֙ וּלְמַלְכָּ֔הּ כֵּן ־ עָשָׂ֥ה לָעַ֖י וּלְמַלְכָּ֑הּ וְכִ֨י הִשְׁלִ֜ימוּ יֹשְׁבֵ֤י גִבְעוֹן֙ אֶת ־ יִשְׂרָאֵ֔ל וַיִּֽהְי֖וּ בְּקִרְבָּֽם ׃Jo 10:1
Quæ cum audisset Adonisedec rex Jerusalem, quod scilicet cepisset Josue Hai, et subvertisset eam (sicut enim fecerat Jericho et regi ejus, sic fecit Hai et regi illius), et quod transfugissent Gabaonitæ ad Israël, et essent fœderati eorum,
22וַיִּֽירְא֣וּ מְאֹ֔ד כִּ֣י עִ֤יר גְּדוֹלָה֙ גִּבְע֔וֹן כְּאַחַ֖ת עָרֵ֣י הַמַּמְלָכָ֑ה וְכִ֨י הִ֤יא גְדוֹלָה֙ מִן ־ הָעַ֔י וְכָל ־ אֲנָשֶׁ֖יהָ גִּבֹּרִֽים ׃Jo 10:2
timuit valde. Urbs enim magna erat Gabaon, et una civitatum regalium, et major oppido Hai, omnesque bellatores ejus fortissimi.
33וַיִּשְׁלַ֨ח אֲדֹנִי ־ צֶ֜דֶק מֶ֣לֶךְ יְרוּשָׁלִַ֗ם אֶל ־ הוֹהָ֣ם מֶֽלֶךְ ־ חֶ֠בְרוֹן וְאֶל ־ פִּרְאָ֨ם מֶֽלֶךְ ־ יַרְמ֜וּת וְאֶל ־ יָפִ֧יעַ מֶֽלֶךְ ־ לָכִ֛ישׁ וְאֶל ־ דְּבִ֥יר מֶֽלֶךְ ־ עֶגְל֖וֹן לֵאמֹֽר ׃Jo 10:3
Misit ergo Adonisedec rex Jerusalem ad Oham regem Hebron, et ad Pharam regem Jerimoth, ad Japhia quoque regem Lachis, et ad Dabir regem Eglon, dicens :
44עֲלֽוּ ־ אֵלַ֣י וְעִזְרֻ֔נִי וְנַכֶּ֖ה אֶת ־ גִּבְע֑וֹן כִּֽי ־ הִשְׁלִ֥ימָה אֶת ־ יְהוֹשֻׁ֖עַ וְאֶת ־ בְּנֵ֥י יִשְׂרָאֵֽל ׃Jo 10:4
Ad me ascendite, et ferte præsidium, ut expugnemus Gabaon, quare transfugerit ad Josue, et ad filios Israël.
55וַיֵּאָסְפ֨וּ וַֽיַּעֲל֜וּ חֲמֵ֣שֶׁת ׀ מַלְכֵ֣י הָאֱמֹרִ֗י מֶ֣לֶךְ יְרוּשָׁלִַ֜ם מֶֽלֶךְ ־ חֶבְר֤וֹן מֶֽלֶךְ ־ יַרְמוּת֙ מֶֽלֶךְ ־ לָכִ֣ישׁ מֶֽלֶךְ ־ עֶגְל֔וֹן הֵ֖ם וְכָל ־ מַֽחֲנֵיהֶ֑ם וַֽיַּחֲנוּ֙ עַל ־ גִּבְע֔וֹן וַיִּֽלָּחֲמ֖וּ עָלֶֽיהָ ׃Jo 10:5
Congregati igitur ascenderunt quinque reges Amorrhæorum : rex Jerusalem, rex Hebron, rex Jerimoth, rex Lachis, rex Eglon, simul cum exercitibus suis : et castrametati sunt circa Gabaon, oppugnantes eam.
66וַיִּשְׁלְח֣וּ אַנְשֵׁי֩ גִבְע֨וֹן אֶל ־ יְהוֹשֻׁ֤עַ אֶל ־ הַֽמַּחֲנֶה֙ הַגִּלְגָּ֣לָה לֵאמֹ֔ר אַל ־ תֶּ֥רֶף יָדֶ֖יךָ מֵֽעֲבָדֶ֑יךָ עֲלֵ֧ה אֵלֵ֣ינוּ מְהֵרָ֗ה וְהוֹשִׁ֤יעָה לָּ֙נוּ֙ וְעָזְרֵ֔נוּ כִּ֚י נִקְבְּצ֣וּ אֵלֵ֔ינוּ כָּל ־ מַלְכֵ֥י הָאֱמֹרִ֖י יֹשְׁבֵ֥י הָהָֽר ׃Jo 10:6
¶Habitatores autem Gabaon urbis obsessæ miserunt ad Josue, qui tunc morabatur in castris apud Galgalam, et dixerunt ei : Ne retrahas manus tuas ab auxilio servorum tuorum : ascende cito, et libera nos, ferque præsidium : convenerunt enim adversum nos omnes reges Amorrhæorum, qui habitant in montanis.
77וַיַּ֨עַל יְהוֹשֻׁ֜עַ מִן ־ הַגִּלְגָּ֗ל ה֚וּא וְכָל ־ עַ֤ם הַמִּלְחָמָה֙ עִמּ֔וֹ וְכֹ֖ל גִּבּוֹרֵ֥י הֶחָֽיִל ׃ פ Jo 10:7
Ascenditque Josue de Galgalis, et omnis exercitus bellatorum cum eo, viri fortissimi.
88וַיֹּ֨אמֶר יְהוָ֤ה אֶל ־ יְהוֹשֻׁ֙עַ֙ אַל ־ תִּירָ֣א מֵהֶ֔ם כִּ֥י בְיָדְךָ֖ נְתַתִּ֑ים לֹֽא ־ יַעֲמֹ֥ד אִ֛ישׁ מֵהֶ֖ם בְּפָנֶֽיךָ ׃Jo 10:8
Dixitque Dominus ad Josue : Ne timeas eos : in manus enim tuas tradidi illos : nullus ex eis tibi resistere poterit.
99וַיָּבֹ֧א אֲלֵיהֶ֛ם יְהוֹשֻׁ֖עַ פִּתְאֹ֑ם כָּל ־ הַלַּ֕יְלָה עָלָ֖ה מִן ־ הַגִּלְגָּֽל ׃Jo 10:9
Irruit itaque Josue super eos repente, tota nocte ascendens de Galgalis.
1010וַיְהֻמֵּ֤ם יְהוָה֙ לִפְנֵ֣י יִשְׂרָאֵ֔ל וַיַּכֵּ֥ם מַכָּֽה ־ גְדוֹלָ֖ה בְּגִבְע֑וֹן וַֽיִּרְדְּפֵ֗ם דֶּ֚רֶךְ מַעֲלֵ֣ה בֵית ־ חוֹרֹ֔ן וַיַּכֵּ֥ם עַד ־ עֲזֵקָ֖ה וְעַד ־ מַקֵּדָֽה ׃Jo 10:10
Et conturbavit eos Dominus a facie Israël : contrivitque plaga magna in Gabaon, ac persecutus est eos per viam ascensus Bethoron, et percussit usque Azeca et Maceda.
1111וַיְהִ֞י בְּנֻסָ֣ם ׀ מִפְּנֵ֣י יִשְׂרָאֵ֗ל הֵ֞ם בְּמוֹרַ֤ד בֵּית ־ חוֹרֹן֙ וַֽיהוָ֡ה הִשְׁלִ֣יךְ עֲלֵיהֶם֩ אֲבָנִ֨ים גְּדֹל֧וֹת מִן ־ הַשָּׁמַ֛יִם עַד ־ עֲזֵקָ֖ה וַיָּמֻ֑תוּ רַבִּ֗ים אֲשֶׁר ־ מֵ֙תוּ֙ בְּאַבְנֵ֣י הַבָּרָ֔ד מֵאֲשֶׁ֥ר הָרְג֛וּ בְּנֵ֥י יִשְׂרָאֵ֖ל בֶּחָֽרֶב ׃ ס Jo 10:11
Cumque fugerent filios Israël, et essent in descensu Bethoron, Dominus misit super eos lapides magnos de cælo usque ad Azeca : et mortui sunt multo plures lapidibus grandinis, quam quos gladio percusserant filii Israël.
1212אָ֣ז יְדַבֵּ֤ר יְהוֹשֻׁעַ֙ לַֽיהוָ֔ה בְּי֗וֹם תֵּ֤ת יְהוָה֙ אֶת ־ הָ֣אֱמֹרִ֔י לִפְנֵ֖י בְּנֵ֣י יִשְׂרָאֵ֑ל וַיֹּ֣אמֶר ׀ לְעֵינֵ֣י יִשְׂרָאֵ֗ל שֶׁ֚מֶשׁ בְּגִבְע֣וֹן דּ֔וֹם וְיָרֵ֖חַ בְּעֵ֥מֶק אַיָּלֽוֹן ׃Jo 10:12
Tunc locutus est Josue Domino, in die qua tradidit Amorrhæum in conspectu filiorum Israël, dixitque coram eis :
Sol, contra Gabaon ne movearis,
et luna contra vallem Ajalon.
1313וַיִּדֹּ֨ם הַשֶּׁ֜מֶשׁ וְיָרֵ֣חַ עָמָ֗ד עַד ־ יִקֹּ֥ם גּוֹי֙ אֹֽיְבָ֔יו הֲלֹא ־ הִ֥יא כְתוּבָ֖ה עַל ־ סֵ֣פֶר הַיָּשָׁ֑ר וַיַּעֲמֹ֤ד הַשֶּׁ֙מֶשׁ֙ בַּחֲצִ֣י הַשָּׁמַ֔יִם וְלֹא ־ אָ֥ץ לָב֖וֹא כְּי֥וֹם תָּמִֽים ׃Jo 10:13
Steteruntque sol et luna,
donec ulcisceretur se gens de inimicis suis.
Nonne scriptum est hoc in libro justorum ? Stetit itaque sol in medio cæli, et non festinavit occumbere spatio unius diei.
1414וְלֹ֨א הָיָ֜ה כַּיּ֤וֹם הַהוּא֙ לְפָנָ֣יו וְאַחֲרָ֔יו לִשְׁמֹ֥עַ יְהוָ֖ה בְּק֣וֹל אִ֑ישׁ כִּ֣י יְהוָ֔ה נִלְחָ֖ם לְיִשְׂרָאֵֽל ׃ פ Jo 10:14
Non fuit antea nec postea tam longa dies, obediente Domino voci hominis, et pugnante pro Israël.
1515וַיָּ֤שָׁב יְהוֹשֻׁ֙עַ֙ וְכָל ־ יִשְׂרָאֵ֣ל עִמּ֔וֹ אֶל ־ הַֽמַּחֲנֶ֖ה הַגִּלְגָּֽלָה ׃Jo 10:15
Reversusque est Josue cum omni Israël in castra Galgalæ.
1616וַיָּנֻ֕סוּ חֲמֵ֖שֶׁת הַמְּלָכִ֣ים הָאֵ֑לֶּה וַיֵּחָבְא֥וּ בַמְּעָרָ֖ה בְּמַקֵּדָֽה ׃Jo 10:16
¶Fugerant enim quinque reges et se absconderant in spelunca urbis Maceda.
1717וַיֻּגַּ֖ד לִיהוֹשֻׁ֣עַ לֵאמֹ֑ר נִמְצְאוּ֙ חֲמֵ֣שֶׁת הַמְּלָכִ֔ים נֶחְבְּאִ֥ים בַּמְּעָרָ֖ה בְּמַקֵּדָֽה ׃Jo 10:17
Nuntiatumque est Josue quod inventi essent quinque reges latentes in spelunca urbis Maceda.
1818וַיֹּ֣אמֶר יְהוֹשֻׁ֔עַ גֹּ֛לּוּ אֲבָנִ֥ים גְּדֹל֖וֹת אֶל ־ פִּ֣י הַמְּעָרָ֑ה וְהַפְקִ֧ידוּ עָלֶ֛יהָ אֲנָשִׁ֖ים לְשָׁמְרָֽם ׃Jo 10:18
Qui præcepit sociis, et ait : Volvite saxa ingentia ad os speluncæ, et ponite viros industrios, qui clausos custodiant :
1919וְאַתֶּם֙ אַֽל ־ תַּעֲמֹ֔דוּ רִדְפוּ֙ אַחֲרֵ֣י אֹֽיְבֵיכֶ֔ם וְזִנַּבְתֶּ֖ם אוֹתָ֑ם אַֽל ־ תִּתְּנ֗וּם לָבוֹא֙ אֶל ־ עָ֣רֵיהֶ֔ם כִּ֧י נְתָנָ֛ם יְהוָ֥ה אֱלֹהֵיכֶ֖ם בְּיֶדְכֶֽם ׃Jo 10:19
vos autem nolite stare, sed persequimini hostes, et extremos quosque fugientium cædite : nec dimittatis eos urbium suarum intrare præsidia, quos tradidit Dominus Deus in manus vestras.
2020וַיְהִי֩ כְּכַלּ֨וֹת יְהוֹשֻׁ֜עַ וּבְנֵ֣י יִשְׂרָאֵ֗ל לְהַכּוֹתָ֛ם מַכָּ֥ה גְדוֹלָֽה ־ מְאֹ֖ד עַד ־ תֻּמָּ֑ם וְהַשְּׂרִידִים֙ שָׂרְד֣וּ מֵהֶ֔ם וַיָּבֹ֖אוּ אֶל ־ עָרֵ֥י הַמִּבְצָֽר ׃Jo 10:20
Cæsis ergo adversariis plaga magna, et usque ad internecionem pene consumptis, hi qui Israël effugere potuerunt, ingressi sunt civitates munitas.
2121וַיָּשֻׁבוּ֩ כָל ־ הָעָ֨ם אֶל ־ הַמַּחֲנֶ֧ה אֶל ־ יְהוֹשֻׁ֛עַ מַקֵּדָ֖ה בְּשָׁל֑וֹם לֹֽא ־ חָרַ֞ץ לִבְנֵ֧י יִשְׂרָאֵ֛ל לְאִ֖ישׁ אֶת ־ לְשֹׁנֽוֹ ׃Jo 10:21
Reversusque est omnis exercitus ad Josue in Maceda, ubi tunc erant castra, sani et integro numero : nullusque contra filios Israël mutire ausus est.
2222וַיֹּ֣אמֶר יְהוֹשֻׁ֔עַ פִּתְח֖וּ אֶת ־ פִּ֣י הַמְּעָרָ֑ה וְהוֹצִ֣יאוּ אֵלַ֗י אֶת ־ חֲמֵ֛שֶׁת הַמְּלָכִ֥ים הָאֵ֖לֶּה מִן ־ הַמְּעָרָֽה ׃Jo 10:22
Præcepitque Josue, dicens : Aperite os speluncæ, et producite ad me quinque reges, qui in ea latitant.
2323וַיַּ֣עֲשׂוּ כֵ֔ן וַיֹּצִ֣יאוּ אֵלָ֗יו אֶת ־ חֲמֵ֛שֶׁת הַמְּלָכִ֥ים הָאֵ֖לֶּה מִן ־ הַמְּעָרָ֑ה אֵ֣ת ׀ מֶ֣לֶךְ יְרוּשָׁלִַ֗ם אֶת ־ מֶ֤לֶךְ חֶבְרוֹן֙ אֶת ־ מֶ֣לֶךְ יַרְמ֔וּת אֶת ־ מֶ֥לֶךְ לָכִ֖ישׁ אֶת ־ מֶ֥לֶךְ עֶגְלֽוֹן ׃Jo 10:23
Feceruntque ministri ut sibi fuerat imperatum : et eduxerunt ad eum quinque reges de spelunca, regem Jerusalem, regem Hebron, regem Jerimoth, regem Lachis, regem Eglon.
2424וַ֠יְהִי כְּֽהוֹצִיאָ֞ם אֶת ־ הַמְּלָכִ֣ים הָאֵלֶּה֮ אֶל ־ יְהוֹשֻׁעַ֒ וַיִּקְרָ֨א יְהוֹשֻׁ֜עַ אֶל ־ כָּל ־ אִ֣ישׁ יִשְׂרָאֵ֗ל וַ֠יֹּאמֶר אֶל ־ קְצִינֵ֞י אַנְשֵׁ֤י הַמִּלְחָמָה֙ הֶהָלְכ֣וּא אִתּ֔וֹ קִרְב֗וּ שִׂ֚ימוּ אֶת ־ רַגְלֵיכֶ֔ם עַֽל ־ צַוְּארֵ֖י הַמְּלָכִ֣ים הָאֵ֑לֶּה וַֽיִּקְרְב֔וּ וַיָּשִׂ֥ימוּ אֶת ־ רַגְלֵיהֶ֖ם עַל ־ צַוְּארֵיהֶֽם ׃Jo 10:24
Cumque educti essent ad eum, vocavit omnes viros Israël, et ait ad principes exercitus qui secum erant : Ite, et ponite pedes super colla regum istorum. Qui cum perrexissent, et subjectorum colla pedibus calcarent,
2525וַיֹּ֤אמֶר אֲלֵיהֶם֙ יְהוֹשֻׁ֔עַ אַל ־ תִּֽירְא֖וּ וְאַל ־ תֵּחָ֑תּוּ חִזְק֣וּ וְאִמְצ֔וּ כִּ֣י כָ֗כָה יַעֲשֶׂ֤ה יְהוָה֙ לְכָל ־ אֹ֣יְבֵיכֶ֔ם אֲשֶׁ֥ר אַתֶּ֖ם נִלְחָמִ֥ים אוֹתָֽם ׃Jo 10:25
rursum ait ad eos : Nolite timere, nec paveatis : confortamini, et estote robusti : sic enim faciet Dominus cunctis hostibus vestris, adversum quos dimicatis.
2626וַיַּכֵּ֨ם יְהוֹשֻׁ֤עַ אַֽחֲרֵי ־ כֵן֙ וַיְמִיתֵ֔ם וַיִּתְלֵ֕ם עַ֖ל חֲמִשָּׁ֣ה עֵצִ֑ים וַיִּֽהְי֛וּ תְּלוּיִ֥ם עַל ־ הָעֵצִ֖ים עַד ־ הָעָֽרֶב ׃Jo 10:26
Percussitque Josue, et interfecit eos, atque suspendit super quinque stipites : fueruntque suspensi usque ad vesperum.
2727וַיְהִ֞י לְעֵ֣ת ׀ בּ֣וֹא הַשֶּׁ֗מֶשׁ צִוָּ֤ה יְהוֹשֻׁ֙עַ֙ וַיֹּֽרִידוּם֙ מֵעַ֣ל הָעֵצִ֔ים וַיַּ֨שְׁלִכֻ֔ם אֶל ־ הַמְּעָרָ֖ה אֲשֶׁ֣ר נֶחְבְּאוּ ־ שָׁ֑ם וַיָּשִׂ֜מוּ אֲבָנִ֤ים גְּדֹלוֹת֙ עַל ־ פִּ֣י הַמְּעָרָ֔ה עַד ־ עֶ֖צֶם הַיּ֥וֹם הַזֶּֽה ׃ פ Jo 10:27
Cumque occumberet sol, præcepit sociis ut deponerent eos de patibulis. Qui depositos projecerunt in speluncam in qua latuerant, et posuerunt super os ejus saxa ingentia, quæ permanent usque in præsens.
2828וְאֶת ־ מַקֵּדָה֩ לָכַ֨ד יְהוֹשֻׁ֜עַ בַּיּ֣וֹם הַה֗וּא וַיַּכֶּ֣הָ לְפִי ־ חֶרֶב֮ וְאֶת ־ מַלְכָּהּ֒ הֶחֱרִ֣ם אוֹתָ֗ם וְאֶת ־ כָּל ־ הַנֶּ֙פֶשׁ֙ אֲשֶׁר ־ בָּ֔הּ לֹ֥א הִשְׁאִ֖יר שָׂרִ֑יד וַיַּ֙עַשׂ֙ לְמֶ֣לֶךְ מַקֵּדָ֔ה כַּאֲשֶׁ֥ר עָשָׂ֖ה לְמֶ֥לֶךְ יְרִיחֽוֹ ׃Jo 10:28
¶Eodem quoque die, Macedam cepit Josue, et percussit eam in ore gladii, regemque illius interfecit, et omnes habitatores ejus : non dimisit in ea saltem parvas reliquias. Fecitque regi Maceda sicut fecerat regi Jericho.
2929וַיַּעֲבֹ֣ר יְ֠הוֹשֻׁעַ וְכָֽל ־ יִשְׂרָאֵ֥ל עִמּ֛וֹ מִמַּקֵּדָ֖ה לִבְנָ֑ה וַיִּלָּ֖חֶם עִם ־ לִבְנָֽה ׃Jo 10:29
Transivit autem cum omni Israël de Maceda in Lebna, et pugnabat contra eam :
3030וַיִּתֵּן֩ יְהוָ֨ה גַּם ־ אוֹתָ֜הּ בְּיַ֣ד יִשְׂרָאֵל֮ וְאֶת ־ מַלְכָּהּ֒ וַיַּכֶּ֣הָ לְפִי ־ חֶ֗רֶב וְאֶת ־ כָּל ־ הַנֶּ֙פֶשׁ֙ אֲשֶׁר ־ בָּ֔הּ לֹֽא ־ הִשְׁאִ֥יר בָּ֖הּ שָׂרִ֑יד וַיַּ֣עַשׂ לְמַלְכָּ֔הּ כַּאֲשֶׁ֥ר עָשָׂ֖ה לְמֶ֥לֶךְ יְרִיחֽוֹ ׃ ס Jo 10:30
quam tradidit Dominus cum rege suo in manus Israël : percusseruntque urbem in ore gladii, et omnes habitatores ejus : non dimiserunt in ea ullas reliquias. Feceruntque regi Lebna sicut fecerant regi Jericho.
3131וַיַּעֲבֹ֣ר יְ֠הוֹשֻׁעַ וְכָל ־ יִשְׂרָאֵ֥ל עִמּ֛וֹ מִלִּבְנָ֖ה לָכִ֑ישָׁה וַיִּ֣חַן עָלֶ֔יהָ וַיִּלָּ֖חֶם בָּֽהּ ׃Jo 10:31
De Lebna transivit in Lachis cum omni Israël : et exercitu per gyrum disposito, oppugnabat eam.
3232וַיִּתֵּן֩ יְהוָ֨ה אֶת ־ לָכִ֜ישׁ בְּיַ֣ד יִשְׂרָאֵ֗ל וַֽיִּלְכְּדָהּ֙ בַּיּ֣וֹם הַשֵּׁנִ֔י וַיַּכֶּ֣הָ לְפִי ־ חֶ֔רֶב וְאֶת ־ כָּל ־ הַנֶּ֖פֶשׁ אֲשֶׁר ־ בָּ֑הּ כְּכֹ֥ל אֲשֶׁר ־ עָשָׂ֖ה לְלִבְנָֽה ׃ פ Jo 10:32
Tradiditque Dominus Lachis in manus Israël, et cepit eam die altero, atque percussit in ore gladii, omnemque animam quæ fuerat in ea, sicut fecerat Lebna.
3333אָ֣ז עָלָ֗ה הֹרָם֙ מֶ֣לֶךְ גֶּ֔זֶר לַעְזֹ֖ר אֶת ־ לָכִ֑ישׁ וַיַּכֵּ֤הוּ יְהוֹשֻׁ֙עַ֙ וְאֶת ־ עַמּ֔וֹ עַד ־ בִּלְתִּ֥י הִשְׁאִֽיר ־ ל֖וֹ שָׂרִֽיד ׃Jo 10:33
Eo tempore ascendit Horam rex Gazer, ut auxiliaretur Lachis : quem percussit Josue cum omni populo ejus usque ad internecionem.
3434וַיַּעֲבֹ֣ר יְ֠הוֹשֻׁעַ וְכָל ־ יִשְׂרָאֵ֥ל עִמּ֛וֹ מִלָּכִ֖ישׁ עֶגְלֹ֑נָה וַיַּחֲנ֣וּ עָלֶ֔יהָ וַיִּֽלָּחֲמ֖וּ עָלֶֽיהָ ׃Jo 10:34
Transivitque de Lachis in Eglon, et circumdedit,
3535וַֽיִּלְכְּד֜וּהָ בַּיּ֤וֹם הַהוּא֙ וַיַּכּ֣וּהָ לְפִי ־ חֶ֔רֶב וְאֵת֙ כָּל ־ הַנֶּ֣פֶשׁ אֲשֶׁר ־ בָּ֔הּ בַּיּ֥וֹם הַה֖וּא הֶחֱרִ֑ים כְּכֹ֥ל אֲשֶׁר ־ עָשָׂ֖ה לְלָכִֽישׁ ׃ פ Jo 10:35
atque expugnavit eam eadem die : percussitque in ore gladii omnes animas quæ erant in ea, juxta omnia quæ fecerat Lachis.
3636וַיַּ֣עַל יְ֠הוֹשֻׁעַ וְכָֽל ־ יִשְׂרָאֵ֥ל עִמּ֛וֹ מֵעֶגְל֖וֹנָה חֶבְר֑וֹנָה וַיִּֽלָּחֲמ֖וּ עָלֶֽיהָ ׃Jo 10:36
Ascendit quoque cum omni Israël de Eglon in Hebron, et pugnavit contra eam :
3737וַיִּלְכְּד֣וּהָ וַיַּכּֽוּהָ ־ לְפִי ־ חֶ֠רֶב וְאֶת ־ מַלְכָּ֨הּ וְאֶת ־ כָּל ־ עָרֶ֜יהָ וְאֶת ־ כָּל ־ הַנֶּ֤פֶשׁ אֲשֶׁר ־ בָּהּ֙ לֹֽא ־ הִשְׁאִ֣יר שָׂרִ֔יד כְּכֹ֥ל אֲשֶׁר ־ עָשָׂ֖ה לְעֶגְל֑וֹן וַיַּחֲרֵ֣ם אוֹתָ֔הּ וְאֶת ־ כָּל ־ הַנֶּ֖פֶשׁ אֲשֶׁר ־ בָּֽהּ ׃ ס Jo 10:37
cepit eam, et percussit in ore gladii, regem quoque ejus, et omnia oppida regionis illius, universasque animas quæ in ea fuerant commoratæ : non reliquit in ea ullas reliquias : sicut fecerat Eglon, sic fecit et Hebron, cuncta quæ in ea reperit consumens gladio.
3838וַיָּ֧שָׁב יְהוֹשֻׁ֛עַ וְכָל ־ יִשְׂרָאֵ֥ל עִמּ֖וֹ דְּבִ֑רָה וַיִּלָּ֖חֶם עָלֶֽיהָ ׃Jo 10:38
Inde reversus in Dabir,
3939וַֽיִּלְכְּדָ֞הּ וְאֶת ־ מַלְכָּ֤הּ וְאֶת ־ כָּל ־ עָרֶ֙יהָ֙ וַיַּכּ֣וּם לְפִי ־ חֶ֔רֶב וַֽיַּחֲרִ֙ימוּ֙ אֶת ־ כָּל ־ נֶ֣פֶשׁ אֲשֶׁר ־ בָּ֔הּ לֹ֥א הִשְׁאִ֖יר שָׂרִ֑יד כַּאֲשֶׁ֨ר עָשָׂ֜ה לְחֶבְר֗וֹן כֵּן ־ עָשָׂ֤ה לִדְבִ֙רָה֙ וּלְמַלְכָּ֔הּ וְכַאֲשֶׁ֥ר עָשָׂ֛ה לְלִבְנָ֖ה וּלְמַלְכָּֽהּ ׃Jo 10:39
cepit eam atque vastavit : regem quoque ejus atque omnia per circuitum oppida percussit in ore gladii : non dimisit in ea ullas reliquias : sicut fecerat Hebron et Lebna et regibus earum, sic fecit Dabir et regi illius.
4040וַיַּכֶּ֣ה יְהוֹשֻׁ֣עַ אֶת ־ כָּל ־ הָאָ֡רֶץ הָהָר֩ וְהַנֶּ֨גֶב וְהַשְּׁפֵלָ֜ה וְהָאֲשֵׁד֗וֹת וְאֵת֙ כָּל ־ מַלְכֵיהֶ֔ם לֹ֥א הִשְׁאִ֖יר שָׂרִ֑יד וְאֵ֤ת כָּל ־ הַנְּשָׁמָה֙ הֶחֱרִ֔ים כַּאֲשֶׁ֣ר צִוָּ֔ה יְהוָ֖ה אֱלֹהֵ֥י יִשְׂרָאֵֽל ׃Jo 10:40
Percussit itaque Josue omnem terram montanam et meridianam atque campestrem, et Asedoth, cum regibus suis : non dimisit in ea ullas reliquias, sed omne quod spirare poterat interfecit, sicut præceperat ei Dominus Deus Israël,
4141וַיַּכֵּ֧ם יְהוֹשֻׁ֛עַ מִקָּדֵ֥שׁ בַּרְנֵ֖עַ וְעַד ־ עַזָּ֑ה וְאֵ֛ת כָּל ־ אֶ֥רֶץ גֹּ֖שֶׁן וְעַד ־ גִּבְעֽוֹן ׃Jo 10:41
a Cadesbarne usque Gazam. Omnem terram Gosen usque Gabaon,
4242וְאֵ֨ת כָּל ־ הַמְּלָכִ֤ים הָאֵ֙לֶּה֙ וְאֶת ־ אַרְצָ֔ם לָכַ֥ד יְהוֹשֻׁ֖עַ פַּ֣עַם אֶחָ֑ת כִּ֗י יְהוָה֙ אֱלֹהֵ֣י יִשְׂרָאֵ֔ל נִלְחָ֖ם לְיִשְׂרָאֵֽל ׃Jo 10:42
universosque reges, et regiones eorum uno impetu cepit atque vastavit : Dominus enim Deus Israël pugnavit pro eo.
4343וַיָּ֤שָׁב יְהוֹשֻׁ֙עַ֙ וְכָל ־ יִשְׂרָאֵ֣ל עִמּ֔וֹ אֶל ־ הַֽמַּחֲנֶ֖ה הַגִּלְגָּֽלָה ׃ פ Jo 10:43
Reversusque est cum omni Israël ad locum castrorum in Galgala.
« Ch 9» Ch 11

Copyright 2007-2024 Thomas Moore, Email: acct3 at katabiblon.com, Support Forum Set Local Timezone
Thursday, 28-Mar-2024 07:21:51 EDT

OPTIONS

CHAPTERS

1 2 3 4 5 6 7 8 9 10 11 12 13 14 15 16 17 18 19 20 21 22 23 24

LEXICON

Greek Lexicon

TEXTS

LANGUAGES

English

ABOUT

The Kata Biblon Wiki English Translation (WET) and Wiki Latin Translation are publicly editable translations of the Greek New Testament, Greek Septuagint, and Hebrew Bible.

www.katabiblon.com

SEARCH OPTIONS

KEYMAP

אבגדהוזחטיכ
(bgdhwzx+yk
למנסעפצקרשת
lmns)pcqr#t
 ּ ֿוֹוֺ ִ ֵ ֶ ַ ָ ֻ ְ
.,oOi"eafu:
 ֱ ֲ ֳ ֽשׁשׂ%
EAF|$&*
Wildcard: %

VERSES

Top