www.katabiblon.com
| Hide | |||
איובJob | |||
| Westminster Leningrad Codex | Wiki Latin Translation / Vulgata Clementina | ||
|---|---|---|---|
| 1 | וַֽיִּשְׁבְּת֡וּ שְׁלֹ֤שֶׁת הָאֲנָשִׁ֣ים הָ֭אֵלֶּה מֵעֲנ֣וֹת אֶת ־ אִיּ֑וֹב כִּ֤י ה֖וּא צַדִּ֣יק בְּעֵינָֽיו ׃ פ | Jb 32:1 | Omiserunt autem tres viri isti respondere Job, eo quod justus sibi videretur. |
| 2 | וַיִּ֤חַר אַ֨ף ׀ אֱלִיה֣וּא בֶן ־ בַּרַכְאֵ֣ל הַבּוּזִי֮ מִמִּשְׁפַּ֪חַ֫ת רָ֥ם בְּ֭אִיּוֹב חָרָ֣ה אַפּ֑וֹ עַֽל ־ צַדְּק֥וֹ נַ֝פְשׁ֗וֹ מֵאֱלֹהִֽים ׃ | Jb 32:2 | Et iratus indignatusque est Eliu filius Barachel Buzites, de cognatione Ram : iratus est autem adversum Job, eo quod justum se esse diceret coram Deo. |
| 3 | וּבִשְׁלֹ֣שֶׁת רֵעָיו֮ חָרָ֪ה אַ֫פּ֥וֹ עַ֤ל אֲשֶׁ֣ר לֹא ־ מָצְא֣וּ מַעֲנֶ֑ה וַ֝יַּרְשִׁ֗יעוּ אֶת ־ אִיּֽוֹב ׃ | Jb 32:3 | Porro adversum amicos ejus indignatus est, eo quod non invenissent responsionem rationabilem, sed tantummodo condemnassent Job. |
| 4 | וֶֽאֱלִיה֗וּ חִכָּ֣ה אֶת ־ אִ֭יּוֹב בִּדְבָרִ֑ים כִּ֤י זְֽקֵנִים ־ הֵ֖מָּה מִמֶּ֣נּוּ לְיָמִֽים ׃ | Jb 32:4 | Igitur Eliu expectavit Job loquentem, eo quod seniores essent qui loquebantur. |
| 5 | וַיַּ֤רְא אֱלִיה֗וּא כִּ֘י אֵ֤ין מַעֲנֶ֗ה בְּ֭פִי שְׁלֹ֥שֶׁת הָאֲנָשִׁ֗ים וַיִּ֥חַר אַפּֽוֹ ׃ פ | Jb 32:5 | Cum autem vidisset quod tres respondere non potuissent, iratus est vehementer. |
| 6 | וַיַּ֤עַן ׀ אֱלִיה֖וּא בֶן ־ בַּֽרַכְאֵ֥ל הַבּוּזִ֗י וַיֹּ֫אמַ֥ר צָ֘עִ֤יר אֲנִ֣י לְ֭יָמִים וְאַתֶּ֣ם יְשִׁישִׁ֑ים עַל ־ כֵּ֖ן זָחַ֥לְתִּי וָֽאִירָ֓א ׀ מֵחַוֹּ֖ת דֵּעִ֣י אֶתְכֶֽם ׃ | Jb 32:6 | Respondensque Eliu filius Barachel Buzites, dixit :
|
| 7 | אָ֭מַרְתִּי יָמִ֣ים יְדַבֵּ֑רוּ וְרֹ֥ב שָׁ֝נִ֗ים יֹדִ֥יעוּ חָכְמָֽה ׃ | Jb 32:7 |
|
| 8 | אָ֭כֵן רֽוּחַ ־ הִ֣יא בֶאֱנ֑וֹשׁ וְנִשְׁמַ֖ת שַׁדַּ֣י תְּבִינֵֽם ׃ | Jb 32:8 |
|
| 9 | לֹֽא ־ רַבִּ֥ים יֶחְכָּ֑מוּ וּ֝זְקֵנִ֗ים יָבִ֥ינוּ מִשְׁפָּֽט ׃ | Jb 32:9 |
|
| 10 | לָכֵ֣ן אָ֭מַרְתִּי שִׁמְעָה ־ לִּ֑י אֲחַוֶּ֖ה דֵּעִ֣י אַף ־ אָֽנִי ׃ | Jb 32:10 |
|
| 11 | הֵ֤ן הוֹחַ֨לְתִּי לְֽדִבְרֵיכֶ֗ם אָ֭זִין עַד ־ תְּב֥וּנֹֽתֵיכֶ֑ם עַֽד ־ תַּחְקְר֥וּן מִלִּֽין ׃ | Jb 32:11 |
|
| 12 | וְעָֽדֵיכֶ֗ם אֶתְבּ֫וֹנָ֥ן וְהִנֵּ֤ה אֵ֣ין לְאִיּ֣וֹב מוֹכִ֑יחַ עוֹנֶ֖ה אֲמָרָ֣יו מִכֶּֽם ׃ | Jb 32:12 |
|
| 13 | פֶּן ־ תֹּ֣֭אמְרוּ מָצָ֣אנוּ חָכְמָ֑ה אֵ֖ל יִדְּפֶ֣נּוּ לֹא ־ אִֽישׁ ׃ | Jb 32:13 |
|
| 14 | וְלֹא ־ עָרַ֣ךְ אֵלַ֣י מִלִּ֑ין וּ֝בְאִמְרֵיכֶ֗ם לֹ֣א אֲשִׁיבֶֽנּוּ ׃ | Jb 32:14 |
|
| 15 | חַ֭תּוּ לֹא ־ עָ֣נוּ ע֑וֹד הֶעְתִּ֖יקוּ מֵהֶ֣ם מִלִּֽים ׃ | Jb 32:15 |
|
| 16 | וְ֭הוֹחַלְתִּי כִּי ־ לֹ֣א יְדַבֵּ֑רוּ כִּ֥י עָ֝מְד֗וּ לֹא ־ עָ֥נוּ עֽוֹד ׃ | Jb 32:16 |
|
| 17 | אַעֲנֶ֣ה אַף ־ אֲנִ֣י חֶלְקִ֑י אֲחַוֶּ֖ה דֵעִ֣י אַף ־ אָֽנִי ׃ | Jb 32:17 |
|
| 18 | כִּ֭י מָלֵ֣תִי מִלִּ֑ים הֱ֝צִיקַ֗תְנִי ר֣וּחַ בִּטְנִֽי ׃ | Jb 32:18 |
|
| 19 | הִנֵּֽה ־ בִטְנִ֗י כְּיַ֥יִן לֹא ־ יִפָּתֵ֑חַ כְּאֹב֥וֹת חֲ֝דָשִׁ֗ים יִבָּקֵֽעַ ׃ | Jb 32:19 |
|
| 20 | אֲדַבְּרָ֥ה וְיִֽרְוַֽח ־ לִ֑י אֶפְתַּ֖ח שְׂפָתַ֣י וְאֶֽעֱנֶֽה ׃ | Jb 32:20 |
|
| 21 | אַל ־ נָ֭א אֶשָּׂ֣א פְנֵי ־ אִ֑ישׁ וְאֶל ־ אָ֝דָ֗ם לֹ֣א אֲכַנֶּֽה ׃ | Jb 32:21 |
|
| 22 | כִּ֤י לֹ֣א יָדַ֣עְתִּי אֲכַנֶּ֑ה כִּ֝מְעַ֗ט יִשָּׂאֵ֥נִי עֹשֵֽׂנִי ׃ | Jb 32:22 |
|
| « Ch 31 | » Ch 33 |
Copyright 2007-2018 Thomas Moore, Email: acct3 at katabiblon.com, Support Forum Set Local Timezone
Saturday, 15-Dec-2018 23:47:57 EST