www.katabiblon.com
| Hide | |||
ירמיהJeremias | |||
| Westminster Leningrad Codex | Wiki Latin Translation / Vulgata Clementina | ||
|---|---|---|---|
| 1 | הִרְאַנִי֮ יְהוָה֒ וְהִנֵּ֗ה שְׁנֵי֙ דּוּדָאֵ֣י תְאֵנִ֔ים מוּעָדִ֕ים לִפְנֵ֖י הֵיכַ֣ל יְהוָ֑ה אַחֲרֵ֣י הַגְל֣וֹת נְבוּכַדְרֶאצַּ֣ר מֶֽלֶךְ ־ בָּבֶ֡ל אֶת ־ יְכָנְיָ֣הוּ בֶן ־ יְהוֹיָקִ֣ים מֶֽלֶךְ ־ יְהוּדָה֩ וְאֶת ־ שָׂרֵ֨י יְהוּדָ֜ה וְאֶת ־ הֶחָרָ֤שׁ וְאֶת ־ הַמַּסְגֵּר֙ מִיר֣וּשָׁלִַ֔ם וַיְבִאֵ֖ם בָּבֶֽל ׃ | Jer 24:1 | Ostendit mihi Dominus : et ecce duo calathi pleni ficis, positi ante templum Domini, postquam transtulit Nabuchodonosor rex Babylonis Jechoniam filium Joakim, regem Juda, et principes ejus, et fabrum, et inclusorem, de Jerusalem, et adduxit eos in Babylonem. |
| 2 | הַדּ֣וּד אֶחָ֗ד תְּאֵנִים֙ טֹב֣וֹת מְאֹ֔ד כִּתְאֵנֵ֖י הַבַּכֻּר֑וֹת וְהַדּ֣וּד אֶחָ֗ד תְּאֵנִים֙ רָע֣וֹת מְאֹ֔ד אֲשֶׁ֥ר לֹא ־ תֵֽאָכַ֖לְנָה מֵרֹֽעַ ׃ ס | Jer 24:2 | Calathus unus ficus bonas habebat nimis, ut solent ficus esse primi temporis : et calathus unus ficus habebat malas nimis, quæ comedi non poterant eo quod essent malæ. |
| 3 | וַיֹּ֨אמֶר יְהוָ֜ה אֵלַ֗י מָֽה ־ אַתָּ֤ה רֹאֶה֙ יִרְמְיָ֔הוּ וָאֹמַ֖ר תְּאֵנִ֑ים הַתְּאֵנִ֤ים הַטֹּבוֹת֙ טֹב֣וֹת מְאֹ֔ד וְהָֽרָעוֹת֙ רָע֣וֹת מְאֹ֔ד אֲשֶׁ֥ר לֹא ־ תֵאָכַ֖לְנָה מֵרֹֽעַ ׃ פ | Jer 24:3 | Et dixit Dominus ad me : Quid tu vides, Jeremia ? Et dixi : Ficus, ficus bonas, bonas valde : et malas, malas valde, quæ comedi non possunt eo quod sint malæ. |
| 4 | וַיְהִ֥י דְבַר ־ יְהוָ֖ה אֵלַ֥י לֵאמֹֽר ׃ | Jer 24:4 | Et factum est verbum Domini ad me, dicens : |
| 5 | כֹּֽה ־ אָמַ֤ר יְהוָה֙ אֱלֹהֵ֣י יִשְׂרָאֵ֔ל כַּתְּאֵנִ֥ים הַטֹּב֖וֹת הָאֵ֑לֶּה כֵּֽן ־ אַכִּ֞יר אֶת ־ גָּל֣וּת יְהוּדָ֗ה אֲשֶׁ֨ר שִׁלַּ֜חְתִּי מִן ־ הַמָּק֥וֹם הַזֶּ֛ה אֶ֥רֶץ כַּשְׂדִּ֖ים לְטוֹבָֽה ׃ | Jer 24:5 |
|
| 6 | וְשַׂמְתִּ֨י עֵינִ֤י עֲלֵיהֶם֙ לְטוֹבָ֔ה וַהֲשִׁבֹתִ֖ים עַל ־ הָאָ֣רֶץ הַזֹּ֑את וּבְנִיתִים֙ וְלֹ֣א אֶהֱרֹ֔ס וּנְטַעְתִּ֖ים וְלֹ֥א אֶתּֽוֹשׁ ׃ | Jer 24:6 |
|
| 7 | וְנָתַתִּי֩ לָהֶ֨ם לֵ֜ב לָדַ֣עַת אֹתִ֗י כִּ֚י אֲנִ֣י יְהוָ֔ה וְהָיוּ ־ לִ֣י לְעָ֔ם וְאָ֣נֹכִ֔י אֶהְיֶ֥ה לָהֶ֖ם לֵאלֹהִ֑ים כִּֽי ־ יָשֻׁ֥בוּ אֵלַ֖י בְּכָל ־ לִבָּֽם ׃ ס | Jer 24:7 |
|
| 8 | וְכַתְּאֵנִים֙ הָֽרָע֔וֹת אֲשֶׁ֥ר לֹא ־ תֵאָכַ֖לְנָה מֵרֹ֑עַ כִּי ־ כֹ֣ה ׀ אָמַ֣ר יְהוָ֗ה כֵּ֣ן אֶ֠תֵּן אֶת ־ צִדְקִיָּ֨הוּ מֶֽלֶךְ ־ יְהוּדָ֤ה וְאֶת ־ שָׂרָיו֙ וְאֵ֣ת ׀ שְׁאֵרִ֣ית יְרוּשָׁלִַ֗ם הַנִּשְׁאָרִים֙ בָּאָ֣רֶץ הַזֹּ֔את וְהַיֹּשְׁבִ֖ים בְּאֶ֥רֶץ מִצְרָֽיִם ׃ | Jer 24:8 |
|
| 9 | וּנְתַתִּים֙ { לזועה ◆ לְזַעֲוָ֣ה } לְרָעָ֔ה לְכֹ֖ל מַמְלְכ֣וֹת הָאָ֑רֶץ לְחֶרְפָּ֤ה וּלְמָשָׁל֙ לִשְׁנִינָ֣ה וְלִקְלָלָ֔ה בְּכָל ־ הַמְּקֹמ֖וֹת אֲשֶֽׁר ־ אַדִּיחֵ֥ם שָֽׁם ׃ | Jer 24:9 |
|
| 10 | וְשִׁלַּ֣חְתִּי בָ֔ם אֶת ־ הַחֶ֖רֶב אֶת ־ הָרָעָ֣ב וְאֶת ־ הַדָּ֑בֶר עַד ־ תֻּמָּם֙ מֵעַ֣ל הָאֲדָמָ֔ה אֲשֶׁר ־ נָתַ֥תִּי לָהֶ֖ם וְלַאֲבוֹתֵיהֶֽם ׃ פ | Jer 24:10 |
|
| « Ch 23 | » Ch 25 |
Copyright 2007-2018 Thomas Moore, Email: acct3 at katabiblon.com, Support Forum Set Local Timezone
Sunday, 16-Dec-2018 09:46:28 EST