www.katabiblon.com

איכה‏

Lamentationes

  Westminster Leningrad Codex Wiki Latin Translation‎ / Vulgata Clementina11אֲנִ֤י הַגֶּ֙בֶר֙ רָאָ֣ה עֳנִ֔י בְּשֵׁ֖בֶט עֶבְרָתֽוֹ ׃Lam 3:1
Aleph. Ego vir videns paupertatem meam
in virga indignationis ejus.
22אוֹתִ֥י נָהַ֛ג וַיֹּלַ֖ךְ חֹ֥שֶׁךְ וְלֹא ־ אֽוֹר ׃Lam 3:2
Aleph. Me minavit, et adduxit in tenebras,
et non in lucem.
33אַ֣ךְ בִּ֥י יָשֻׁ֛ב יַהֲפֹ֥ךְ יָד֖וֹ כָּל ־ הַיּֽוֹם ׃ ס Lam 3:3
Aleph. Tantum in me vertit et convertit
manum suam tota die.
44בִּלָּ֤ה בְשָׂרִי֙ וְעוֹרִ֔י שִׁבַּ֖ר עַצְמוֹתָֽי ׃Lam 3:4
Beth. Vetustam fecit pellem meam et carnem meam ;
contrivit ossa mea.
55בָּנָ֥ה עָלַ֛י וַיַּקַּ֖ף רֹ֥אשׁ וּתְלָאָֽה ׃Lam 3:5
Beth. Ædificavit in gyro meo, et circumdedit me
felle et labore.
66בְּמַחֲשַׁכִּ֥ים הוֹשִׁיבַ֖נִי כְּמֵתֵ֥י עוֹלָֽם ׃ ס Lam 3:6
Beth. In tenebrosis collocavit me,
quasi mortuos sempiternos.
77גָּדַ֧ר בַּעֲדִ֛י וְלֹ֥א אֵצֵ֖א הִכְבִּ֥יד נְחָשְׁתִּֽי ׃Lam 3:7
Ghimel. Circumædificavit adversum me, ut non egrediar ;
aggravavit compedem meum.
88גַּ֣ם כִּ֤י אֶזְעַק֙ וַאֲשַׁוֵּ֔עַ שָׂתַ֖ם תְּפִלָּתִֽי ׃Lam 3:8
Ghimel. Sed et cum clamavero, et rogavero,
exclusit orationem meam.
99גָּדַ֤ר דְּרָכַי֙ בְּגָזִ֔ית נְתִיבֹתַ֖י עִוָּֽה ׃ ס Lam 3:9
Ghimel. Conclusit vias meas lapidibus quadris ;
semitas meas subvertit.
1010דֹּ֣ב אֹרֵ֥ב הוּא֙ לִ֔י ‏{ אריה אֲרִ֖י }‏ בְּמִסְתָּרִֽים ׃
———
Ketib: אריה ⬪ Qere: אֲרִ֖י
Lam 3:10
Daleth. Ursus insidians factus est mihi,
leo in absconditis.
1111דְּרָכַ֥י סוֹרֵ֛ר וַֽיְפַשְּׁחֵ֖נִי שָׂמַ֥נִי שֹׁמֵֽם ׃Lam 3:11
Daleth. Semitas meas subvertit, et confregit me ;
posuit me desolatam.
1212דָּרַ֤ךְ קַשְׁתּוֹ֙ וַיַּצִּיבֵ֔נִי כַּמַּטָּרָ֖א לַחֵֽץ ׃ ס Lam 3:12
Daleth. Tetendit arcum suum, et posuit me
quasi signum ad sagittam.
1313הֵבִיא֙ בְּכִלְיוֹתָ֔י בְּנֵ֖י אַשְׁפָּתֽוֹ ׃Lam 3:13
He. Misit in renibus meis
filias pharetræ suæ.
1414הָיִ֤יתִי שְּׂחֹק֙ לְכָל ־ עַמִּ֔י נְגִינָתָ֖ם כָּל ־ הַיּֽוֹם ׃Lam 3:14
He. Factus sum in derisum omni populo meo,
canticum eorum tota die.
1515הִשְׂבִּיעַ֥נִי בַמְּרוֹרִ֖ים הִרְוַ֥נִי לַעֲנָֽה ׃ ס Lam 3:15
He. Replevit me amaritudinibus ;
inebriavit me absinthio.
1616וַיַּגְרֵ֤ס בֶּֽחָצָץ֙ שִׁנָּ֔י הִכְפִּישַׁ֖נִי בָּאֵֽפֶר ׃Lam 3:16
Vau. Et fregit ad numerum dentes meos ;
cibavit me cinere.
1717וַתִּזְנַ֧ח מִשָּׁל֛וֹם נַפְשִׁ֖י נָשִׁ֥יתִי טוֹבָֽה ׃Lam 3:17
Vau. Et repulsa est a pace anima mea ;
oblitus sum bonorum.
1818וָאֹמַר֙ אָבַ֣ד נִצְחִ֔י וְתוֹחַלְתִּ֖י מֵיְהוָֽה ׃ ס Lam 3:18
Vau. Et dixi : Periit finis meus,
et spes mea a Domino.
1919זְכָר ־ עָנְיִ֥י וּמְרוּדִ֖י לַעֲנָ֥ה וָרֹֽאשׁ ׃Lam 3:19
Zain. Recordare paupertatis, et transgressionis meæ,
absinthii et fellis.
2020זָכ֣וֹר תִּזְכּ֔וֹר ‏{ ותשיח וְתָשׁ֥וֹחַ }‏ עָלַ֖י נַפְשִֽׁי ׃
———
Ketib: ותשיח ⬪ Qere: וְתָשׁ֥וֹחַ
Lam 3:20
Zain. Memoria memor ero, et tabescet
in me anima mea.
2121זֹ֛את אָשִׁ֥יב אֶל ־ לִבִּ֖י עַל ־ כֵּ֥ן אוֹחִֽיל ׃ ס Lam 3:21
Zain. Hæc recolens in corde meo,
ideo sperabo.
2222חַֽסְדֵ֤י יְהוָה֙ כִּ֣י לֹא ־ תָ֔מְנוּ כִּ֥י לֹא ־ כָל֖וּ רַחֲמָֽיו ׃Lam 3:22
Heth. Misericordiæ Domini, quia non sumus consumpti ;
quia non defecerunt miserationes ejus.
2323חֲדָשִׁים֙ לַבְּקָרִ֔ים רַבָּ֖ה אֱמוּנָתֶֽךָ ׃Lam 3:23
Heth. Novi diluculo,
multa est fides tua.
2424חֶלְקִ֤י יְהוָה֙ אָמְרָ֣ה נַפְשִׁ֔י עַל ־ כֵּ֖ן אוֹחִ֥יל לֽוֹ ׃ ס Lam 3:24
Heth. Pars mea Dominus, dixit anima mea ;
propterea exspectabo eum.
2525ט֤וֹב יְהוָה֙ לְקֹוָ֔ו לְנֶ֖פֶשׁ תִּדְרְשֶֽׁנּוּ ׃Lam 3:25
Teth. Bonus est Dominus sperantibus in eum,
animæ quærenti illum.
2626ט֤וֹב וְיָחִיל֙ וְדוּמָ֔ם לִתְשׁוּעַ֖ת יְהוָֽה ׃Lam 3:26
Teth. Bonum est præstolari cum silentio
salutare Dei.
2727ט֣וֹב לַגֶּ֔בֶר כִּֽי ־ יִשָּׂ֥א עֹ֖ל בִּנְעוּרָֽיו ׃ ס Lam 3:27
Teth. Bonum est viro cum portaverit jugum
ab adolescentia sua.
2828יֵשֵׁ֤ב בָּדָד֙ וְיִדֹּ֔ם כִּ֥י נָטַ֖ל עָלָֽיו ׃Lam 3:28
Jod. Sedebit solitarius, et tacebit,
quia levavit super se.
2929יִתֵּ֤ן בֶּֽעָפָר֙ פִּ֔יהוּ אוּלַ֖י יֵ֥שׁ תִּקְוָֽה ׃Lam 3:29
Jod. Ponet in pulvere os suum,
si forte sit spes.
3030יִתֵּ֧ן לְמַכֵּ֛הוּ לֶ֖חִי יִשְׂבַּ֥ע בְּחֶרְפָּֽה ׃ ס Lam 3:30
Jod. Dabit percutienti se maxillam :
saturabitur opprobriis.
3131כִּ֣י לֹ֥א יִזְנַ֛ח לְעוֹלָ֖ם אֲדֹנָֽי ׃Lam 3:31
Caph. Quia non repellet
in sempiternum Dominus.
3232כִּ֣י אִם ־ הוֹגָ֔ה וְרִחַ֖ם כְּרֹ֥ב ‏{ חסדו חֲסָדָֽיו ׃ }‏
———
Ketib: חסדו ⬪ Qere: חֲסָדָֽיו׃
Lam 3:32
Caph. Quia si abjecit, et miserebitur,
secundum multitudinem misericordiarum suarum.
3333כִּ֣י לֹ֤א עִנָּה֙ מִלִּבּ֔וֹ וַיַּגֶּ֖ה בְּנֵי ־ אִֽישׁ ׃ ס Lam 3:33
Caph. Non enim humiliavit ex corde suo
et abjecit filios hominum.
3434לְדַכֵּא֙ תַּ֣חַת רַגְלָ֔יו כֹּ֖ל אֲסִ֥ירֵי אָֽרֶץ ׃Lam 3:34
Lamed. Ut conteret sub pedibus suis
omnes vinctos terræ.
3535לְהַטּוֹת֙ מִשְׁפַּט ־ גָּ֔בֶר נֶ֖גֶד פְּנֵ֥י עֶלְיֽוֹן ׃Lam 3:35
Lamed. Ut declinaret judicium viri
in conspectu vultus Altissimi.
3636לְעַוֵּ֤ת אָדָם֙ בְּרִיב֔וֹ אֲדֹנָ֖י לֹ֥א רָאָֽה ׃ ס Lam 3:36
Lamed. Ut perverteret hominem in judicio suo ;
Dominus ignoravit.
3737מִ֣י זֶ֤ה אָמַר֙ וַתֶּ֔הִי אֲדֹנָ֖י לֹ֥א צִוָּֽה ׃Lam 3:37
Mem. Quis est iste qui dixit ut fieret,
Domino non jubente ?
3838מִפִּ֤י עֶלְיוֹן֙ לֹ֣א תֵצֵ֔א הָרָע֖וֹת וְהַטּֽוֹב ׃Lam 3:38
Mem. Ex ore Altissimi non egredientur
nec mala nec bona ?
3939מַה ־ יִּתְאוֹנֵן֙ אָדָ֣ם חָ֔י גֶּ֖בֶר עַל ־ ‏{ חטאו חֲטָאָֽיו ׃ }‏ ס
———
Ketib: חטאו ⬪ Qere: חֲטָאָֽיו׃
Lam 3:39
Mem. Quid murmuravit homo vivens,
vir pro peccatis suis ?
4040נַחְפְּשָׂ֤ה דְרָכֵ֙ינוּ֙ וְֽנַחְקֹ֔רָה וְנָשׁ֖וּבָה עַד ־ יְהוָֽה ׃Lam 3:40
Nun. Scrutemur vias nostras, et quæramus,
et revertamur ad Dominum.
4141נִשָּׂ֤א לְבָבֵ֙נוּ֙ אֶל ־ כַּפָּ֔יִם אֶל ־ אֵ֖ל בַּשָּׁמָֽיִם ׃Lam 3:41
Nun. Levemus corda nostra cum manibus
ad Dominum in cælos.
4242נַ֤חְנוּ פָשַׁ֙עְנוּ֙ וּמָרִ֔ינוּ אַתָּ֖ה לֹ֥א סָלָֽחְתָּ ׃ ס Lam 3:42
Nun. Nos inique egimus, et ad iracundiam provocavimus ;
idcirco tu inexorabilis es.
4343סַכֹּ֤תָה בָאַף֙ וַֽתִּרְדְּפֵ֔נוּ הָרַ֖גְתָּ לֹ֥א חָמָֽלְתָּ ׃Lam 3:43
Samech. Operuisti in furore, et percussisti nos ;
occidisti, nec pepercisti.
4444סַכּ֤וֹתָה בֶֽעָנָן֙ לָ֔ךְ מֵעֲב֖וֹר תְּפִלָּֽה ׃Lam 3:44
Samech. Opposuisti nubem tibi,
ne transeat oratio.
4545סְחִ֧י וּמָא֛וֹס תְּשִׂימֵ֖נוּ בְּקֶ֥רֶב הָעַמִּֽים ׃ ס Lam 3:45
Samech. Eradicationem et abjectionem posuisti me
in medio populorum.
4646פָּצ֥וּ עָלֵ֛ינוּ פִּיהֶ֖ם כָּל ־ אֹיְבֵֽינוּ ׃Lam 3:46
Phe. Aperuerunt super nos os suum
omnes inimici.
4747פַּ֧חַד וָפַ֛חַת הָ֥יָה לָ֖נוּ הַשֵּׁ֥את וְהַשָּֽׁבֶר ׃Lam 3:47
Phe. Formido et laqueus facta est nobis
vaticinatio, et contritio.
4848פַּלְגֵי ־ מַ֙יִם֙ תֵּרַ֣ד עֵינִ֔י עַל ־ שֶׁ֖בֶר בַּת ־ עַמִּֽי ׃ ס Lam 3:48
Phe. Divisiones aquarum deduxit oculus meus,
in contritione filiæ populi mei.
4949עֵינִ֧י נִגְּרָ֛ה וְלֹ֥א תִדְמֶ֖ה מֵאֵ֥ין הֲפֻגֽוֹת ׃Lam 3:49
Ain. Oculus meus afflictus est, nec tacuit,
eo quod non esset requies.
5050עַד ־ יַשְׁקִ֣יף וְיֵ֔רֶא יְהוָ֖ה מִשָּׁמָֽיִם ׃Lam 3:50
Ain. Donec respiceret et videret
Dominus de cælis.
5151עֵינִי֙ עֽוֹלְלָ֣ה לְנַפְשִׁ֔י מִכֹּ֖ל בְּנ֥וֹת עִירִֽי ׃ ס Lam 3:51
Ain. Oculus meus deprædatus est animam meam
in cunctis filiabus urbis meæ.
5252צ֥וֹד צָד֛וּנִי כַּצִּפּ֖וֹר אֹיְבַ֥י חִנָּֽם ׃Lam 3:52
Sade. Venatione ceperunt me quasi avem
inimici mei gratis.
5353צָֽמְת֤וּ בַבּוֹר֙ חַיָּ֔י וַיַּדּוּ ־ אֶ֖בֶן בִּֽי ׃Lam 3:53
Sade. Lapsa est in lacum vita mea,
et posuerunt lapidem super me.
5454צָֽפוּ ־ מַ֥יִם עַל ־ רֹאשִׁ֖י אָמַ֥רְתִּי נִגְזָֽרְתִּי ׃ ס Lam 3:54
Sade. Inundaverunt aquæ super caput meum ;
dixi : Perii.
5555קָרָ֤אתִי שִׁמְךָ֙ יְהוָ֔ה מִבּ֖וֹר תַּחְתִּיּֽוֹת ׃Lam 3:55
Coph. Invocavi nomen tuum, Domine,
de lacu novissimo.
5656קוֹלִ֖י שָׁמָ֑עְתָּ אַל ־ תַּעְלֵ֧ם אָזְנְךָ֛ לְרַוְחָתִ֖י לְשַׁוְעָתִֽי ׃Lam 3:56
Coph. Vocem meam audisti ; ne avertas aurem tuam
a singultu meo et clamoribus.
5757קָרַ֙בְתָּ֙ בְּי֣וֹם אֶקְרָאֶ֔ךָּ אָמַ֖רְתָּ אַל ־ תִּירָֽא ׃ ס Lam 3:57
Coph. Appropinquasti in die quando invocavi te ;
dixisti : Ne timeas.
5858רַ֧בְתָּ אֲדֹנָ֛י רִיבֵ֥י נַפְשִׁ֖י גָּאַ֥לְתָּ חַיָּֽי ׃Lam 3:58
Res. Judicasti, Domine, causam animæ meæ,
redemptor vitæ meæ.
5959רָאִ֤יתָה יְהוָה֙ עַוָּ֣תָתִ֔י שָׁפְטָ֖ה מִשְׁפָּטִֽי ׃Lam 3:59
Res. Vidisti, Domine, iniquitatem illorum adversum me :
judica judicium meum.
6060רָאִ֙יתָה֙ כָּל ־ נִקְמָתָ֔ם כָּל ־ מַחְשְׁבֹתָ֖ם לִֽי ׃ ס Lam 3:60
Res. Vidisti omnem furorem,
universas cogitationes eorum adversum me.
6161שָׁמַ֤עְתָּ חֶרְפָּתָם֙ יְהוָ֔ה כָּל ־ מַחְשְׁבֹתָ֖ם עָלָֽי ׃Lam 3:61
Sin. Audisti opprobrium eorum, Domine,
omnes cogitationes eorum adversum me.
6262שִׂפְתֵ֤י קָמַי֙ וְהֶגְיוֹנָ֔ם עָלַ֖י כָּל ־ הַיּֽוֹם ׃Lam 3:62
Sin. Labia insurgentium mihi, et meditationes eorum
adversum me tota die.
6363שִׁבְתָּ֤ם וְקִֽימָתָם֙ הַבִּ֔יטָה אֲנִ֖י מַנְגִּינָתָֽם ׃ ס Lam 3:63
Sin. Sessionem eorum et resurrectionem eorum vide ;
ego sum psalmus eorum.
6464תָּשִׁ֨יב לָהֶ֥ם גְּמ֛וּל יְהוָ֖ה כְּמַעֲשֵׂ֥ה יְדֵיהֶֽם ׃Lam 3:64
Thau. Redes eis vicem, Domine,
juxta opera manuum suarum.
6565תִּתֵּ֤ן לָהֶם֙ מְגִנַּת ־ לֵ֔ב תַּאֲלָֽתְךָ֖ לָהֶֽם ׃Lam 3:65
Thau. Dabis eis scutum cordis,
laborem tuum.
6666תִּרְדֹּ֤ף בְּאַף֙ וְתַשְׁמִידֵ֔ם מִתַּ֖חַת שְׁמֵ֥י יְהוָֽה ׃ פ Lam 3:66
Thau. Persequeris in furore, et conteres eos
sub cælis, Domine.
« Ch 2» Ch 4

Copyright 2007-2024 Thomas Moore, Email: acct3 at katabiblon.com, Support Forum Set Local Timezone
Thursday, 28-Mar-2024 06:22:34 EDT

OPTIONS

CHAPTERS

1 2 3 4 5

LEXICON

Greek Lexicon

TEXTS

LANGUAGES

English

ABOUT

The Kata Biblon Wiki English Translation (WET) and Wiki Latin Translation are publicly editable translations of the Greek New Testament, Greek Septuagint, and Hebrew Bible.

www.katabiblon.com

SEARCH OPTIONS

KEYMAP

אבגדהוזחטיכ
(bgdhwzx+yk
למנסעפצקרשת
lmns)pcqr#t
 ּ ֿוֹוֺ ִ ֵ ֶ ַ ָ ֻ ְ
.,oOi"eafu:
 ֱ ֲ ֳ ֽשׁשׂ%
EAF|$&*
Wildcard: %

VERSES

Top