www.katabiblon.com
| Hide | |||
במדברNumeri | |||
| Westminster Leningrad Codex | Wiki Latin Translation / Vulgata Clementina | ||
|---|---|---|---|
| 1 | וַיַּ֣רְא בִּלְעָ֗ם כִּ֣י ט֞וֹב בְּעֵינֵ֤י יְהוָה֙ לְבָרֵ֣ךְ אֶת ־ יִשְׂרָאֵ֔ל וְלֹא ־ הָלַ֥ךְ כְּפַֽעַם ־ בְּפַ֖עַם לִקְרַ֣את נְחָשִׁ֑ים וַיָּ֥שֶׁת אֶל ־ הַמִּדְבָּ֖ר פָּנָֽיו ׃ | Nm 24:1 | Cumque vidisset Balaam quod placeret Domino ut benediceret Israëli, nequaquam abiit ut ante perrexerat, ut augurium quæreret : sed dirigens contra desertum vultum suum, |
| 2 | וַיִּשָּׂ֨א בִלְעָ֜ם אֶת ־ עֵינָ֗יו וַיַּרְא֙ אֶת ־ יִשְׂרָאֵ֔ל שֹׁכֵ֖ן לִשְׁבָטָ֑יו וַתְּהִ֥י עָלָ֖יו ר֥וּחַ אֱלֹהִֽים ׃ | Nm 24:2 | et elevans oculos, vidit Israël in tentoriis commorantem per tribus suas : et irruente in se spiritu Dei, |
| 3 | וַיִּשָּׂ֥א מְשָׁל֖וֹ וַיֹּאמַ֑ר נְאֻ֤ם בִּלְעָם֙ בְּנ֣וֹ בְעֹ֔ר וּנְאֻ֥ם הַגֶּ֖בֶר שְׁתֻ֥ם הָעָֽיִן ׃ | Nm 24:3 | assumpta parabola, ait :
|
| 4 | נְאֻ֕ם שֹׁמֵ֖עַ אִמְרֵי ־ אֵ֑ל אֲשֶׁ֨ר מַחֲזֵ֤ה שַׁדַּי֙ יֶֽחֱזֶ֔ה נֹפֵ֖ל וּגְל֥וּי עֵינָֽיִם ׃ | Nm 24:4 |
|
| 5 | מַה ־ טֹּ֥בוּ אֹהָלֶ֖יךָ יַעֲקֹ֑ב מִשְׁכְּנֹתֶ֖יךָ יִשְׂרָאֵֽל ׃ | Nm 24:5 |
|
| 6 | כִּנְחָלִ֣ים נִטָּ֔יוּ כְּגַנֹּ֖ת עֲלֵ֣י נָהָ֑ר כַּאֲהָלִים֙ נָטַ֣ע יְהוָ֔ה כַּאֲרָזִ֖ים עֲלֵי ־ מָֽיִם ׃ | Nm 24:6 |
|
| 7 | יִֽזַּל ־ מַ֙יִם֙ מִדָּ֣לְיָ֔ו וְזַרְע֖וֹ בְּמַ֣יִם רַבִּ֑ים וְיָרֹ֤ם מֵֽאֲגַג֙ מַלְכּ֔וֹ וְתִנַּשֵּׂ֖א מַלְכֻתֽוֹ ׃ | Nm 24:7 |
|
| 8 | אֵ֚ל מוֹצִיא֣וֹ מִמִּצְרַ֔יִם כְּתוֹעֲפֹ֥ת רְאֵ֖ם ל֑וֹ יֹאכַ֞ל גּוֹיִ֣ם צָרָ֗יו וְעַצְמֹתֵיהֶ֛ם יְגָרֵ֖ם וְחִצָּ֥יו יִמְחָֽץ ׃ | Nm 24:8 |
|
| 9 | כָּרַ֨ע שָׁכַ֧ב כַּאֲרִ֛י וּכְלָבִ֖יא מִ֣י יְקִימֶ֑נּוּ מְבָרֲכֶ֣יךָ בָר֔וּךְ וְאֹרְרֶ֖יךָ אָרֽוּר ׃ | Nm 24:9 |
|
| 10 | וַיִּֽחַר ־ אַ֤ף בָּלָק֙ אֶל ־ בִּלְעָ֔ם וַיִּסְפֹּ֖ק אֶת ־ כַּפָּ֑יו וַיֹּ֨אמֶר בָּלָ֜ק אֶל ־ בִּלְעָ֗ם לָקֹ֤ב אֹֽיְבַי֙ קְרָאתִ֔יךָ וְהִנֵּה֙ בֵּרַ֣כְתָּ בָרֵ֔ךְ זֶ֖ה שָׁלֹ֥שׁ פְּעָמִֽים ׃ | Nm 24:10 | ¶Iratusque Balac contra Balaam, complosis manibus ait : Ad maledicendum inimicis meis vocavi te, quibus e contrario tertio benedixisti : |
| 11 | וְעַתָּ֖ה בְּרַח ־ לְךָ֣ אֶל ־ מְקוֹמֶ֑ךָ אָמַ֙רְתִּי֙ כַּבֵּ֣ד אֲכַבֶּדְךָ֔ וְהִנֵּ֛ה מְנָעֲךָ֥ יְהוָ֖ה מִכָּבֽוֹד ׃ | Nm 24:11 | revertere ad locum tuum. Decreveram quidem magnifice honorare te, sed Dominus privavit te honore disposito. |
| 12 | וַיֹּ֥אמֶר בִּלְעָ֖ם אֶל ־ בָּלָ֑ק הֲלֹ֗א גַּ֧ם אֶל ־ מַלְאָכֶ֛יךָ אֲשֶׁר ־ שָׁלַ֥חְתָּ אֵלַ֖י דִּבַּ֥רְתִּי לֵאמֹֽר ׃ | Nm 24:12 | Respondit Balaam ad Balac : Nonne nuntiis tuis, quos misisti ad me, dixi : |
| 13 | אִם ־ יִתֶּן ־ לִ֨י בָלָ֜ק מְלֹ֣א בֵיתוֹ֮ כֶּ֣סֶף וְזָהָב֒ לֹ֣א אוּכַ֗ל לַעֲבֹר֙ אֶת ־ פִּ֣י יְהוָ֔ה לַעֲשׂ֥וֹת טוֹבָ֛ה א֥וֹ רָעָ֖ה מִלִּבִּ֑י אֲשֶׁר ־ יְדַבֵּ֥ר יְהוָ֖ה אֹת֥וֹ אֲדַבֵּֽר ׃ | Nm 24:13 | Si dederit mihi Balac plenam domum suam argenti et auri, non potero præterire sermonem Domini Dei mei, ut vel boni quid vel mali proferam ex corde meo : sed quidquid Dominus dixerit, hoc loquar ? |
| 14 | וְעַתָּ֕ה הִנְנִ֥י הוֹלֵ֖ךְ לְעַמִּ֑י לְכָה֙ אִיעָ֣צְךָ֔ אֲשֶׁ֨ר יַעֲשֶׂ֜ה הָעָ֥ם הַזֶּ֛ה לְעַמְּךָ֖ בְּאַחֲרִ֥ית הַיָּמִֽים ׃ | Nm 24:14 | verumtamen pergens ad populum meum, dabo consilium, quid populus tuus populo huic faciat extremo tempore. |
| 15 | וַיִּשָּׂ֥א מְשָׁל֖וֹ וַיֹּאמַ֑ר נְאֻ֤ם בִּלְעָם֙ בְּנ֣וֹ בְעֹ֔ר וּנְאֻ֥ם הַגֶּ֖בֶר שְׁתֻ֥ם הָעָֽיִן ׃ | Nm 24:15 | Sumpta igitur parabola, rursum ait :
|
| 16 | נְאֻ֗ם שֹׁמֵ֙עַ֙ אִמְרֵי ־ אֵ֔ל וְיֹדֵ֖עַ דַּ֣עַת עֶלְי֑וֹן מַחֲזֵ֤ה שַׁדַּי֙ יֶֽחֱזֶ֔ה נֹפֵ֖ל וּגְל֥וּי עֵינָֽיִם ׃ | Nm 24:16 |
|
| 17 | אֶרְאֶ֙נּוּ֙ וְלֹ֣א עַתָּ֔ה אֲשׁוּרֶ֖נּוּ וְלֹ֣א קָר֑וֹב דָּרַ֨ךְ כּוֹכָ֜ב מִֽיַּעֲקֹ֗ב וְקָ֥ם שֵׁ֙בֶט֙ מִיִּשְׂרָאֵ֔ל וּמָחַץ֙ פַּאֲתֵ֣י מוֹאָ֔ב וְקַרְקַ֖ר כָּל ־ בְּנֵי ־ שֵֽׁת ׃ | Nm 24:17 |
|
| 18 | וְהָיָ֨ה אֱד֜וֹם יְרֵשָׁ֗ה וְהָיָ֧ה יְרֵשָׁ֛ה שֵׂעִ֖יר אֹיְבָ֑יו וְיִשְׂרָאֵ֖ל עֹ֥שֶׂה חָֽיִל ׃ | Nm 24:18 |
|
| 19 | וְיֵ֖רְדְּ מִֽיַּעֲקֹ֑ב וְהֶֽאֱבִ֥יד שָׂרִ֖יד מֵעִֽיר ׃ | Nm 24:19 |
|
| 20 | וַיַּרְא֙ אֶת ־ עֲמָלֵ֔ק וַיִּשָּׂ֥א מְשָׁל֖וֹ וַיֹּאמַ֑ר רֵאשִׁ֤ית גּוֹיִם֙ עֲמָלֵ֔ק וְאַחֲרִית֖וֹ עֲדֵ֥י אֹבֵֽד ׃ | Nm 24:20 | Cumque vidisset Amalec, assumens parabolam, ait :
|
| 21 | וַיַּרְא֙ אֶת ־ הַקֵּינִ֔י וַיִּשָּׂ֥א מְשָׁל֖וֹ וַיֹּאמַ֑ר אֵיתָן֙ מֽוֹשָׁבֶ֔ךָ וְשִׂ֥ים בַּסֶּ֖לַע קִנֶּֽךָ ׃ | Nm 24:21 | Vidit quoque Cinæum : et assumpta parabola, ait :
|
| 22 | כִּ֥י אִם ־ יִהְיֶ֖ה לְבָ֣עֵֽר קָ֑יִן עַד ־ מָ֖ה אַשּׁ֥וּר תִּשְׁבֶּֽךָּ ׃ | Nm 24:22 |
|
| 23 | וַיִּשָּׂ֥א מְשָׁל֖וֹ וַיֹּאמַ֑ר א֕וֹי מִ֥י יִחְיֶ֖ה מִשֻּׂמ֥וֹ אֵֽל ׃ | Nm 24:23 | Assumptaque parabola iterum locutus est :
|
| 24 | וְצִים֙ מִיַּ֣ד כִּתִּ֔ים וְעִנּ֥וּ אַשּׁ֖וּר וְעִנּוּ ־ עֵ֑בֶר וְגַם ־ ה֖וּא עֲדֵ֥י אֹבֵֽד ׃ | Nm 24:24 |
|
| 25 | וַיָּ֣קָם בִּלְעָ֔ם וַיֵּ֖לֶךְ וַיָּ֣שָׁב לִמְקֹמ֑וֹ וְגַם ־ בָּלָ֖ק הָלַ֥ךְ לְדַרְכּֽוֹ ׃ פ | Nm 24:25 | Surrexitque Balaam, et reversus est in locum suum : Balac quoque via, qua venerat, rediit. |
| « Ch 23 | » Ch 25 |
Copyright 2007-2018 Thomas Moore, Email: acct3 at katabiblon.com, Support Forum Set Local Timezone
Tuesday, 11-Dec-2018 00:06:46 EST